هل سيتم إلغاء موسم كرة القدم بسبب كورونا؟

    • نعم
    • لا
    • لا أهتم

  • Ajax Loader
القولون العصبى.. أعراضه وأسبابه وعلاجه
الخميس 21 ديسمبر 2017 - 04:35 مساءً
القولون العصبى.. أعراضه وأسبابه وعلاجه خبيرة التغذيه هاله محمود

أنا بعاني من القولون العصبي ... ووزني مبينزلش بسهولة! 
أغلب مرضى القولون العصبى بيعانوا من زيادة الوزن عشان جسمهم مبيقدرش يتخلص من الفضلات بشكل منتظم والسموم بتتحبس في الجسم. 
وكمان لما بيبدأوا يعملوا دايت الوضع بيزداد سوء، وده بسبب الأنظمة اللى مفيهاش عناصر غذائية تساعد القولون انه يشتغل بكفاءة.
 القولون مبيعتبرش مرض بالمعنى المفهوم لأغلب الناس، لكن نقدر نقول إنه متلازمة بتظهر أعراضها لما المريض ميتّبعش التعليمات الطبية اللى المفروض يمشي عليها، 
عشان كدة لازم مريض القولون يستشير طبيب تغذية عشان ينصحه بالأكل اللى  يتناسب مع حالته،
 لإن من المعروف إن " أغلب مرضى القولون العصبى مبيعرفوش ينزلوا وزنهم بسهولة"
 
أولاً إيه هو القولون العصبي؟ 
-هو عبارة عن مجموعة أعراض بيعاني منها ملايين مننا سببها عدم انتظام حركيه القولون و تقلصه.
إيه أعراضه؟
-إمساك - إسهال - إمساك/إسهال بالتبادل - تقلصات. - مخاط في البراز.
 
طب إيه أسبابه؟
-سببه غير معروف إلي الآن بس أبحاث كتير توصلت إن الأسباب: - نقص إفراز أحماض المعدة- عسر الهضم - باكتيريا و طفيليات في الأمعاء.
 
بتيجي الأعراض بإيه ؟
بتختلف من شخص للتاني بس عاماً بتزيد بـ :
-الأكل الحار و التوابل - الشوكولاته و الكافيين - أدوية زي بعض المسكنات و بعض أنواع المضادات الحيوية- الضغط العصبي و التوتر - عوامل وراثية.
 
هل ليه علاقه بزياده الوزن؟
- أكيد.. للأسف المريض بيحاول يتفادى الأعراض بالبعد عن الأطعمة المفيدة زي الخضروات و الفاكهة و الالبان .ده بيدخله في دائره الإمساك المغلقة فيعاني أكتر من انتفاخ و غازات و تقلصات.
- في خلايا في القناة الهضمية بتفرز هورمونات دورها التحكم في الشهية، الخلايا دي بيكون فيها خلل مع مرض القولون العصبي.
 
إيه العلاج؟
- البعد عن الأكلات الحريفة.
- تناول الألياف بدون خوف من الخضروات و الفواكه و الحبوب الكاملة زي الأرز البني و الشوفان.
-شرب كميات وفيرة من المياه.
-البعد عن الضغط العصبي بقدر الإمكان.
- نوم من ٦-٨ ساعات في اليوم.
-الرياضة بإنتظام.
-عدم الإكثار من الكافيين.
-علاج دوائي بإستشارة الطبيب و المواظبه عليه
 مع تحياتي بالصحه والعافيه 
خبيرة التغذيه هاله محمود

 

تعليقات الفيس بوك