هل سيتم إلغاء موسم كرة القدم بسبب كورونا؟

    • نعم
    • لا
    • لا أهتم

  • Ajax Loader
تعرف على أسباب احتباس المياه فى الجسم مع خبيره التغذيه هاله محمود
الأربعاء 27 ديسمبر 2017 - 05:28 مساءً
تعرف على أسباب احتباس المياه فى الجسم مع خبيره التغذيه هاله محمود خبيره التغذيه هاله محمود

احتباس المياه فى الجسم عبارة عن  تراكم السوائل فى تجاويف الأنسجة الدموية وده بيسبب تورم الساقين والكاحلين والقدمين واليدين.
 
ولإن أغلب الحاجات فى حياتنا ليها علاقة بالنظام الغذائي 
فتعالوا نعرف مع بعض إيه أسباب احتباس المياه فى الجسم:
 
1.  الإفراط فى تناول الأملاح :
تناول أطعمة فيها نسبة عالية من الصوديوم، وده بينتج عنه استهلاك كمية كبيرة من المياه فتسبب احتباس الماء فى الجسم.
 
2.نقص فى المغنيسيوم.
 
3. نقص فيتامين ب6:
وده المسؤول عن توازن الماء فى الجسم، وحسب الدراسات فالسيدات  مع متلازمة ما قبل الحيض بيظهر عليهم تحسن ملحوظ بعد أكل الأطعمة الغنية بفيتامين ب6.
 
4.ضعف تدفق الدم في أوردة الساقين:
وده واحد من أهم أسباب احتباس الماء فى الساقين والكاحلين، وبيحصل بشكل رئيسى خلال فترة الحمل.
 
5.احتباس الماء ما قبل الحيض:
 بسبب التغيرات الهرمونية اللي بتحصل أثناء ال Period ، واللى ممكن تزيد لو اتبعنا نظام غذائي غير سليم .
 
6.مشاكل القلب أو الكلى:
ممكن تسبب تورم دائم فى الساقين والكاحلين وساعتها لازم نلجأ لمساعدة طبية فورية .
 
7.  الحركة القليلة وخصوصاً اللى بياخدوا أدوية على المدى الطويل .
 
8. قصور الغدة الدرقية، ووجود اضطراب مزمن في إفرازات الغدة.
 
طيب إحنا كدة عرفنا الأسباب ... إيه هى الحلول بقى ؟ :
1. استخدام مدرّات البول تحت إشراف طبي .
2. نحاول نقلل من الملح فى الأكل ونقلل من الأطعمة الجاهزة والمصنّعة لإن فيها كميات كبيرة من الصوديوم.
3. ناخد كمية كافية من البروتينات يومياً عشان تساعدنا إننا نتخلص من الإحتباس زي الأسماك واللحوم ومنتجات الألبان -بس تكون خالية الدسم- والبيض والأكلات الغنية بفيتامينات ب5 ب6 ومعادن الكاليسيوم، والمنغنيز، والمغنيسيوم.
4. معدل شربنا للمياه يكون (لتر ونصف إلى لترين كافية في اليوم).
5. ناكل الفاكهة والخضار الغنية بالفيتامينات والمعادن والألياف عشان تساعدنا على الإحساس بالشبع زي التفاح والموز والأفوكادو والطماطم والبطاطس.
6. بلاش نكتر من السكريات والعسل.
7. نعمل اختبار الحساسية عشان نعرف أنواع الأكل اللى ممكن تسببلنا المشكلة دي .
8. نهتم بممارسة الرياضة ونمشي حوالى نصف ساعة فى اليوم.
9. التقليل من شرب الكافيين زي الشاى والقهوة والنيسكافيه. 
10. الإستلقاء على الظهر مع جعل القدمين أعلى مستوى الرأس وخصوصاً قبل النوم وفي أوقات الراحة.
 
 مع تحياتي بالصحه والعافيه 
خبيره التغذيه هاله محمود

تعليقات الفيس بوك