هل سيتم إلغاء موسم كرة القدم بسبب كورونا؟

    • نعم
    • لا
    • لا أهتم

  • Ajax Loader
تعالوا نتكلم النهاردة في موضوع مهم جداً .. " سكر الدايت " !!
الأحد 07 يناير 2018 - 11:26 مساءً
تعالوا نتكلم النهاردة في موضوع مهم جداً .. " سكر الدايت " !! خبيرة التغذيه هاله محمود

" خلال يومنا المليان نشاط ومجهود بنحتاج نركز .. علشان كدا احنا كشعب مصري غاويين الشاي والقهوة والنسكافيه .. وبنعتبرهم المصدر الأساسي للطاقة في حياتنا 
شوف بقى لما تحط معلقتين سكر ( في المتوسط ) على كل كباية شاي .. وتشرب في المتوسط برضوا حوالي 3 أكواب شاي في اليوم !!
عارف انت كدا دخلت لجسمك كام سعر حراري ؟
120 !!
أيوة صدق الرقم .. لأن كل ملعقة صغيرة من السكر ( 5 جرام ) = 20 سعر حراري .
علشان كدا متستغربش انك مظبط أكلك ومع ذلك مبتخسش .. حضرتك عديت ملاعق السكر اللى بتشربها خلال اليوم الأول ؟
دا انت المفروض تقول " الحمد لله " ان وزنك مبيزدش  
ومن هنا كان ظهور " بديل للسكر " خبر مفرح لكل الشعب المصري .. ولكن بعدها بدأنا نسمع كلام غريب زي " سكر الدايت بيسبب السرطان .. سكر الدايت مضر بالصحة .. سكر الدايت معمول من مواد وحشة .. الخ ".
علشان كدا كان لازم النهاردة نتكلم في الموضوع دا :
السكر البديل أنواع وهي ( اسبرتام - سكرالوز - سكارين ومستخلص الستيفيا ) ..
أشهر نوع فيهم واللى كل الناس بتخاف من أضراره هو " الاسبرتام " .
لأن أقصى كمية مسموحة بيه خلال اليوم هي 40 مجم لكل كليو جرام في وزنك .
يعني لو وزنك 60 كيلو .. مسموح ليك تاخد 240 جرام .
ودا خبر حلو جداً .. لأن الكيس الصغير الواحد من السكر البديل فيه : 20 جرام يعني انت مسموح ليك بـ 120 كيس خلال اليوم !!!
بذمتك هتقدر أصلاً توصل نصف الرقم دا ؟
علشان كدا أحب أطمنكم يا جماعة بإن سكر الدايت ( السكر البديل ) ملهوش أي أضرار ومتخافوش منه .
وانا دائماً بنصح المتابعين معايا يكورسات التخسيس 
1- لو بتحتاج تستهلك من ( 2 إلى 3 ) ملاعق سكر في اليوم بس .. خدهم سكر أبيض عادي .
2- لو بتستهلك سكر أكتر من كدا يبقى لازم نتجة للسكر البديل ( سكر الدايت
 
مع تحياتي بالصحه والعافيه 
خبيرة التغذيه هاله محمود

 

تعليقات الفيس بوك