هل سيتم إلغاء موسم كرة القدم بسبب كورونا؟

    • نعم
    • لا
    • لا أهتم

  • Ajax Loader
حرقك مش ضعيف لكن ... أكلك دسم مع خبيرة التغذية العلاجية
الجمعة 16 فبراير 2018 - 10:16 مساءً
حرقك مش ضعيف لكن ... أكلك دسم مع خبيرة التغذية العلاجية د.هاله محمود (أخصائية التغذية العلاجية)

أول ما نفكر نبدأ دايت نروح مطلعين زجاجة زيت الزيتون و نبدأ نحط علي (الفول والجبنة القريش ، رشّة علي وش الفراخ يديها لون و رشّة هنا و رشّة هناك) نيجي نوزن في ميعاد الميزان نلاقي وزننا ثابت و ساعات زايد! --> نحبط ---> نتهم حرق جسمنا إنه ضعيف!!!
 
حرقك مش ضعيف ولا حاجة..إنما انت مدخَّل جسمك سُعرات زيادة جداً عن احتياجك فدخلت جسمك في مرحلة تخزين دهون!!
 
فرق كبير بين أكلات صحية و أكلات بتخسس.. مش أي أكل صحي بيبقي قليل السُعرات.. ملعقة زيت الزيتون ب ١٢٠ سعر زيها زي ملعقة زيت الذرة أو زيت عباد شمس.. يعني لو أخدت ٣ ملاعق فقط دخلت جسمك ٣٦٠ سُعر حراري مش محسوب حسابهم.
 
نخلّي بالنا إن كل حاجة داخلة جسمنا محسوبة علينا:
* الدجاج سهل يكون مسلوق أو مشوي و ممكن يكون طعمه هايل لو أضافنا تتبيلات جميلة و خضروات كتير.
* اللحمة ضروري تكون حمراء تماماً خالية من أي دهون و ممنوع الضاني نهائياً.( إلا في الوجبة الفري الأسبوعية)، و يفضل عدم شراء المفروم الجاهز ..نشتريه قطع و نفرمها أحسن لضمان عدم وجود دهون.
* نحسب الزيوت المستعملة في الطبخ و الأكل و منفرطش في تناولها.
* نبعد عن اللحوم المصنعة بقدر الإمكان.
* نستخدم منتجات ألبان خالي الدسم.زي الزبادي و اللبن و الأجبان.
 
و علشان جسمنا بيحتاج الدهون الصحية لإمتصاص فيتامينات مهمة لصحته لازم منحرمش نفسنا تماماً بس نقلل و نفتكر إن (قبضة يد) من أي نوع مكسرات مصدر غني جداً بالدهون الصحية و مضادات الأكسدة..
 
د.هاله محمود 
(أخصائية التغذية العلاجية)
 
تابعونا على هاشتاج #حرقك_مش_ضعيف علشان تعرفوا باقى الأخطاء اللى ممكن نقع فيها واحنا مش واخدين بالنا.

تعليقات الفيس بوك