تتوقع من يفوز بالدورى المصرى الممتاز 2018 / 2019 ؟

    • الأهلى
    • الزمالك
    • الإسماعيلي
    • المصرى
    • إنبي
    • بيراميدز

  • Ajax Loader
دق الليل.. بقلم: عبدالرحمن صلاح
الاثنين 29 أبريل 2019 - 09:35 مساءً
دق الليل.. بقلم: عبدالرحمن صلاح عبدالرحمن صلاح

دق الليل حكايات وكلام
زي العادة احلام فى احلام
هصبح ابقي هصبح اغني
هصبح بكرة انسان تعسان
كل ما افكر الصوت يكبر
القى الغنوة لسه فى بالى
ايوة بحبك جدا يعنى
مهما يفارق بكرة خيالى
القى الدمعة بتنزل فجاءة
 ابكى وانام
كل ما نصحى بنبدأ يومنا
سلام فى سلام
مش واخدين اننا بنفارق 
اول لحظة فى يومنا ان كان
واخر لحظة فى يومنا كمان
الايام بتشبك بعض
وانا عمال اشبه بينهم
لو ايامنا بتشبه بعض
ليه الفرح معاند جيلهم
لية الضحكة بتنسى اشكالنا
مهما تشوفنا فى لحظة بتبعد
لو كلنا بنخاف ع بعض 
لو لثواني فى لحظة هنسعد 
كتر الصمت يخبى كلام
زى النوم مليان احلام
زي الليل نصه الالام
لو بنخاف م الحزن يريت
نبقى شوية وننسى سلام
بس الدنيا دي غاوية فراق
تتعب تبعد تشرب داء
عمر الدنيا ما كانت بيت
مهما قابلت ومهما ان جيت
مهما ان شوفت او حنيت
لازم تيجي للحظة فراق
فاصل دنيا امبارح بكرة
بكرة هيفصل بعدو مساء
النص التاني
تحلو الدنيا بالمجازات
والتفاصيل لأقل معانى
والتبسيط المتداول
 بين المجنى وبين الجانى
تحلو الدنيا بلمة ونية
وضحكة بتلمع من القاعدين
وفرحة لو لثواني غنية
ولا تتساوى بالملايين
اصل الفرح دا كله قلوب
والافراح دى قضاء مكتوب
والانسان اللى بيتأمل
لازم حتما انسان موهوب
وانا من تانى ليه زعلان
كل ما بفرح ببقي جبان
خايف فرحى يفارق داري
خايف تقسى في يوم انصارى
خايف خايف كله جبان
شمعة بتحمل قيد انسان
انا مش عارف انهو طريق
راح هيكمل مش هيضيق

تعليقات الفيس بوك