تتوقع من يفوز بالدورى المصرى الممتاز 2018 / 2019 ؟

    • الأهلى
    • الزمالك
    • الإسماعيلي
    • المصرى
    • إنبي
    • بيراميدز

  • Ajax Loader
"كنافة بالأنتيبيوتيك" بقلم : أشرف القط
الجمعة 31 مايو 2019 - 03:29 مساءً
"كنافة بالأنتيبيوتيك" بقلم : أشرف القط أشرف القط

من يخبرُ الشوقَ حين يزيدُ أوجاعي***كفاهُ يلسعُ كالقنديلِ بالقاعِ 
 
ايوه بالظبط كده هنتكلم النهاردة  عن لسعة قنديل البحر أما الشوق -قاتلهُ الله-له منا كل احترام وتقدير تلاقي الشاب من دول نازل البحر فلة شمعة منورة يلسعه القنديل من هنا تلاقيه طالع بيتعكز علي كوميديا سودة من هنا طب يتصرف إزاي ؟!! ما تيجو نشوف احسن:
 
اول هام: يحط رجليه في الخل بتاع نص ساعة  هتقولي وليه خليتها خل اقولك يا سيدي عشان المادة اللي القنديل بيسيبها علي جسمك مادة قلوية والخل حامض والتنين بناتهم تار فهيخلصو علي بعض  وتطلع انت منها زي الفرح من الحزين  وممكن تجيب بطاقة بلاستيك وتكحت بيها الحاجات اللي علي رجليك بشويش؛  قبل ما نخلص اول هام عليه شوية ملاحظات عنب  :
 
* لو ملقتش خل ساعتها ممكن تستخدم مكانه مية البحر يعني داوها بالتي كانت هي الداء
 
* لو هتغسل رجليك ساعتها بمية معدنية أو مية عذبة  افتكر إني قولتلك بلاش لأنها بتبهدل الإصابة جدا والوجع هيبقى وجعين 
 
* فيه ناس بيعالجو الموضوع ده بالبول هو مش موجود في الكتب لكن لو عايز تستخدمه يبقي طرطر ألف خيرك  انتهت الملاحظات اتفضل قدامي علي تاني هام 
 
تاني هام:حضرتك خلصت حمام الخل نقولك حمام العافيه تخش بقي علي الجاكوزي السخن هتحط رجليك في مية سخنة 45 درجه مئوية  بتاع نص ساعة برضه تجيب مية بتغلي وتحرق نفسك ملناش دعوة يا موهيييي طب ليه مية سخنة عشان المية السخنة بتدوخ السم بتاع القنديل كأنك نازل علي دماغه بالشبشب فيبطل المسخرة اللي بيعملها هنا بقي نقولك نعيما تقدر تنشف رجلك وتحط أي مرهم كورتيزون Betnovate cream  مثلا أو ممكن تستخدم Calamina  Lotion شغال برضه لو حسيت هرش ممكن تاخد أقراص للحساسية loratidine tab كويسة  ولو فيه ألم خد بروفين من بتاع الحلقة اللي فاتت كده فاضلنا جزئية مهمة جدا هي أمتي تروح المستشفى فوراً:
 
* لو لقيت صدرك مضايق ومش قادر تاخد نفسك 
 
* لو لقيت لونك ابتدى يحمر زي ما تكون اتغسلت مع حسين فهمي في غسالة واحدة

تعليقات الفيس بوك