توقع من يحصد لقب دورى أبطال أوروبا 2021؟

    • ليفربول
    • ريال مدريد
    • ‏مانشستر سيتي
    • دورتموند
    • بايرن ميونيخ
    • باريس سان جيرمان
    • تشيلسي
    • بورتو

  • Ajax Loader
أسما شريف منير تحكي عن تفاصيل انفصالها وتنصح المُطلقات
الجمعة 09 أبريل 2021 - 12:21 صباحاً
أسما شريف منير تحكي عن تفاصيل انفصالها وتنصح المُطلقات اسما شريف منير

كتبت : نوران الجيار

قررت أسما شريف منير، إبنه الفنان شريف منير، أن تُصارح متابعيها على مواقع التواصل الاجتماعي، وتحكي عن تفاصيل انفصالها عن زوجها الفنان محمود حجازي، وتحكي عن تجربتها مع الزواج الثاني ومشاعر حزنها، حيث تجرأت وكتبت عن معاناتها بعد انفصالها عن زوجها ، والذى جاء بعد قصة حب طويلة بينهم وزواج لأكثر من عامين، ونشرت عبر صفحتها الرسمية بموقع "فيس بوك"، منشوراً طويلاً تحكي فيه عن التجربة وعن مشاعرها بعد الإنفصال، ووجهت عدد من النصائح للمطلقات عن كيفية تعدي هذه المرحلة وتجاوز مشاعر الحزن وبدء الحياة مجددًا، وعدم الاستماع لحديث الإحباط والتأكيد على أن الزواج وحلال الله ليس مرتبط بعدد مرات.

وقالت أسما شريف منير في المنشور:"أنا بشر واتألم وازعل بعيط، بغلط، واثور، وحياتي مش بمبه مسخسخ، بس برضه ربنا أداني طاقة إيجابية، ونعم كتير، منها أنتوا.. وحبكم ليا، ودعواتكم ليا، دي نعمة كبيرة أوي، والشهرة اللي ربنا أدهاني برضه، كون إن أبويا أعظم أب -ربنا يحفظه- ويخليه لي ويبارك في عمره، تعب في مشواره، وده سهِل وجودي ومعرفة الناس بيا، أول مره انفصلت وتكلمت في موضوع طلاقي، ساعد ستات كتير أنهم يحسوا انهم مش لوحدهم، وممكن يقفوا علي رجليهم تاني، ولما اتجوزت وكنت مطلقة ومعايا بنت حسوا ان في أمل وأنهم مش معيوبين، رغم أن المجتمع يصعب الأمور علي المطلقة، بس ده حق ربنا، اداهولنا.. عشان عارف اكيد ان ممكن ناس متكملش مع ناس او تتعب في علاقة مع حد".
عندي مسؤولية تجاه الستات اللي بتابعني، في الاول كنت مقرره اختفي من السوشال ميديا شوية حلوين وأعزل نفسي، بس حسيت ان في ناس تستمد طاقتها مني وتقارن نفسها بي، فبتكون عايزة تشوف هعمل إيه".

ووجهت أسما شريف منير، خلال منشورها المثير للجدل والذى هو عبارة عن فضفضة طويلة مع متابعيها، مجموعة نصائح للمطلقات من واقع تجربتها، وتابعت :"أقول لأي ست بتعدي بنفس الموقف انا بعمل ايه حالياً. اولاً لقيت أن أحسن حاجة أني اترمي بين إيد ربنا، وارضي بقسمتي ونصيبي.. اللهم لا اعتراض. بس في نفس الوقت لن استسلم، ومهمي حصل الدنيا هتكمل.. حتي لو أنا وقفت الدنيا هتفضل تدور، محدش هيسيب حياته عشان حد، لازم اشوف اكل عيشي، عشان عندي مسؤليات، واولهم بنتي، والست اللي بتيجي تساعدني في البيت، حتى كلابي وقططتي وغيرهم ".

وتابعت :"كل حاجة جوه دماغنا ممكن نتحكم فيها، الزعل مش هيتمسح.. بس فجأة هتنسي، وهتقاومى زعلك، لازم ندي نفسنا وقتنا في الزعل.. بس يكون جواك ميزان صغير يفوقك عشان الاكتئاب ممكن يقتل صاحبه. ولأخر نفس في عمري مش هفقد الأمل في الحب ولا اللمة ودفي العيلة الصغيرة اللي بحلم بيها، رغم أن في ناس هتقول خلاص بقي عيشي لبنتك، وخلاص بقي مرتين كفاية اوي كده، اه بقي دي مزواجة أو دي أكيد العيب فيها، أياً كان الناس هتسميني ايه ده حقي وحلال ربنا".

 

تعليقات الفيس بوك