راسمين على الثوب
السبت 24 سبتمبر 2011 - 12:51 صباحاً
راسمين على الثوب

زجل ـ عبد الحفيط محمد:
راسمين على التوب         كبرى امبابه ياسلام سلم
راسمين على التوب           اللى معاه مال
يطلع للجميل                     ويسلم
واللى بلا مال              ما يقدر يطلع ولا يسلم
راسمين على التوب          اللى معاه مال
يبات الورد                   فى احضانه
واللى بلا مال يبات          ركبه فى سنانه
راسمين على التوب          اللى معاه مال
من صنف الجنيه              الابيض
يبات يقلب فى شفايف      مثل العسل الابيض
واللى بلا مال لا محصل    اسود ولا ابيض

تعليقات الفيس بوك