أبويا قالى
السبت 24 سبتمبر 2011 - 01:25 صباحاً
أبويا قالى

زجل ـ د عبد الفتاح عبد المتعال:
ابويا قالى الزمان ملوش امان غدار
وقاللى يابنى امانه ابعد عن الاشرار
وكن كريم فى الدار واعمل حساب للجار
وقال وصال الرحم بيطول الاعمار
وقالى عيش الحياه حافظ على الاسرار
وقالى ظلم العباد من اكبر الاوزار
وقالى احمى اليتيم يابنى الزمان غدار
وقالى فرض الصلاه راح يبعدك م النار
وقالى فرض الزكاه يرضى كريم ستار
وقالى صومك وحجك هايكملوا المشوار
يرضى عليك ربنا يحميك فى ليل ونهار
ويوم حساب الخلايق تكون من الابرار

تعليقات الفيس بوك